قالت الفنانة حنان يوسف إنها كانت تتمنى أن تصبح راقصة، خلال لقائها في برنامج «كلام الناس»، الذي تقدمه الإعلامية ياسمين عز، على شاشة قناة mbc مصر.
تابعت: «كنت عايزة أبقى رقاصة في الأفراح، وكنت معجبة جدا بالعوالم وكنت بحب الرقص البلدي».
وأضافت حنان يوسف: «الرقص معبر جدا زي باقي الفنون بيعبر عن المشاعر من غير كلام بالأداء الحركي. وكنت بتفرج زمان على الرقصات وأروح أقلدهم في البيت، ولحد دلوقتي برقص في أوضتي».
وتابعت: بحب الرقص البلدي، وطول النهار كنت أتفرح على العوالم وأي فرصة فيها رقص في عمل فني بروح، ولحد دلوقتي برقص ويدخل عليا أحمد ابني يلاقيني برقص، وساعات بتيجي مزيكا حلوة في التلفزيون أقوم أرقص، وكمان ابني بيقفل عليه الأوضة وبيرقص.
وأردفت: أنا بحب أغنية بنت الجيران وأحب أرقص على سواح وأغاني محمد رشدي عبد العزيز محمود.
وكشفت حنان يوسف، عن موقفها من القبلات في الاعمال الفنية: «لوكان اتعرض عليا مشاهد بوس كنت ممكن أوافق عادي، لكن أنا بقرف من البوس، وقبل كدة اتعرض عليا قولت للمخرج لا أنا بقرف، دلوقتي كبرنا ولا بقى فيه حب ولا بقى فيه بوس».