هنأت الفنانة حنان ترك متابعيها بـ مناسبة اقتراب عيد الأضحى 2022، ونشرت استوري عبر حسابها الخاص بموقع التواصل الاجتماعي لتبادل الصور والفيديوهات «انستجرام».
«كل سنة وأنتم طيبين بمناسبة الأيام الجميلة دي، حبيت أحكيلكم عن واحدة صاحبتي كانت بتسقع البطيخ وتغلفه وتوزعه على العمل في الأوقات الحر».
وتابعت: «احنا كمان ممكن نعمل حاجة بسيطة هتفيد الناس اللي شغلها في الشمس، وهي إننا نجيبب عبوات المية المعدنية الصغيرة ونملاها مية ونسقعها ونوزعها عليهم حاجة بسيطة بس خير كبير».
أبرز تصريحات حنان ترك
من جانبها، تبرأت الفنانة حنان ترك من كل الأراء السياسية التي نشرتها عديد من الصفحات المنسوبة لها كذبًا، حول مواقفها السياسية وفتاوى.
خرجت الفنانة حنان ترك في بث مباشر على صفحتها الرسمية بموقع التواصل الإجتماعى “فيس بوك”، منوهة أنها هي الصفحة الوحيدة الخاصة بها.
أنا عندي برد، كان المفروض أطلع الأسبوع اللي فات، استحملوني واستحملوا صوتي
وقالت الفنانة: أولا سياسيا أنا جاهلة جدا ومعنديش وعى سياسى أنى اعرف أقول اعملوا حاجة او متعملوش ومعنديش الثقافة اللى تخلينى أنظر سياسياً، أما بالنسبة للدين قلتها زمان وهاقولها تانى أنا درست علوم شرعية على سبيل النجاة لا على سبيل الدعاء، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين”
وأضافت: عاوزة أشكركم واشكر أسرتى اللى وقفت جنبى وقت مرضى وكل أصدقائى اللى بيسألوا عليا ودكتور أشرف زكى كان بيكلمنى وبيطمن عليا، وبشكر الجمهور اللى بدعواته الحمد لله بقيت أحسن بكتير وكويسة جدا، ومش عارفة أشكركوا على ايه ولا ايه وسعيدة انى معاكم وانتوا وحشتونى جد.