حمو بيكا/ كشف مؤدي المهرجانات بيكا، عن تفاصيل افتتاح المطعم الجديد، وشارك بث مباشر عبر صفحته الرسمية بموقع التواصل الاجتماعي “فيس بوك”.
وأوضح تفاصيل عن المطعم الذي افتتحه جديد بالاسكندرية قائلاً: “انا طالع انهاردة لجمهوري عشان اللي مش واصله الصورة انا هوصلك الصورة صح، عملت فيديو امبارح الناس طلعت قالت ان حمو عامل افتتاح ده اصلا الافتتاح مش بتاعي ولا المطعم بتاعي ولا الكافية بتاعي”.
حمو بيكا يروي تفاصيل افتتاح المطعم الجديد ويوجه رسالة للرئيس السيسي
وأضاف قائلاً: “ده مكان في اسكندرية اسمه مركب زد وده مشروع الرئيس عبدالفتاح السيسي وهو عامل المشروع ده للشباب وانا حبيت انزل اشارك اهلي وناسي الاسكندرانية، والمشروع ده كبير وناجح، وانا روحت شاركت معاهم فرحتهم طلعتوا وقولتلوا حمو مش واخد الاجراءات الاحترازية”.
وتابع قائلاً: “عايز اوصلكم حاجة صغيرة مش كل حاجة تمسكوا فيها وتخربوا الدنيا على الفاضي وانتو اصلا مش فاهمين حاجة وبلاش تطلعوا تتهموا حد من غير ما تفهموا هو في ايه اصلا، واللي كان في الحفلة معايا عم احمد شيبة وهو اللي احيا الافتتاح بتاع المكان والمكان كان في سموحة على المحمودية”.
واردف قائلاً: “طلعتوا قولتله ده افتتاح مطعم لا الموضوع مش كده مش كل حاجة عايزين تخبطوا فيها وخلاص وحبيت اوصل المعلومة ديه لاخواتي وبعدين شوفوا انا كاتب ايه كنت كاتب ان ده مشروع للشباب”.
حمو بيكا يوجه رسالة إلى السيسي
ووجه حمو بيكا رسالة شكر إلى رئيس الجمهورية عبدالفتاح السيسي قائلاً: “ربنا يخليك لينا ياريس وتفضل دايما تجدد بلدنا وتفضل تفتح مشاريع للشباب، وان شاء الله مصر هتبقى احسن دولة في الدنيا”.
وأستكمل حديثه موجه إلى متابعيه والحاقدين عليه قائلاً: “في ناس بتحبني وفي ناس بتكرهني والناس اللي بتكرهني ديه انتو معشرتونيش عشان تكرهوني والكل بيجي عليا بس الحمدلله وبحمد ربنا على كل نعمة مدهالي وربنا يخليكي ليا يا امي وكل ده بدعواتك يا امي وياريت كل واحد يخليه في مستقبله وسبوني في مستقبلي ومش كل حاجة تطلعوا تخبطوا وكفاية بقى حسبي الله ونعم الوكيل في كل اللي بيتمنالي الشر”.