حالة من الجدل الواسعة أقارها مؤدي المهرجانات حمو بيكا، بعد تعليقه بعد استقالة هاني شاكر من منصبه كـ نقيب الموسيقيين، وكتب على صورته التي نشرها عبر صفحته الخاص بموقع التواصل الاجتماعي «فيسبوك»: الوحش راجع يا شوية جواجع، مما اعتبره البعض شماته منه في استقالة هاني شاكر.
وكشف حمو بيكا حقيقة الأمر وقام بالدافع عن نفسه بعد جميع الانتقادات التي توجهت له من قبل رواد السوشيال ميدي، في بث مباشر عبر حسابه على فيسبوك قائلًا: «هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان».
حمو بيكا: راضي بحكمة ربنا ومش عايز الكارنيه
مؤكداً أن الفنان هخاني شاكر يكن له كل الاحترام وأنه بمثابة أخيه الأكبر وأن السبب في كل ماحدث هما رواد مواقع التواصل الاجتماعي قائلاً: «هاني شاكر أخويا الكبير، وبنتشرف بيه في كل حته.. أنا نزلت صورة مكتوب عليها: أنا راجع يا شوية جواجع، ودي أغنية جديدة مع نور التوت، لكن الناس فهموا غلط، وحرَّفوا كلامي، وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي».
وأكد حمو بيكا أن علاقته بـ هاني شاكر جيدة، ولا توجد أي خلافات بينهما، كما تنبأ البعض أن حمو بيكا شعر بالسعادة بعد خبر الاستقالة خاصةً أنه كان منعه من الغناء وأخذ التصريح قائلًا: «بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة».
حمو بيكا لـ طلاب الثانوية العامة: أنا مش متعلم وناجح بس طعم النجاح مع العلم مختلف تمامًا
من جانبه، وجه مطرب المهرجانات حمو بيكا، نصيحة لطلاب الثانوية العامة، لكي ينتبهون إلى دراستهم ويلتحقون بالجامعة، ضاربًا مثال بنفسه بأن النجاح بدون علم ليس له طعم.
وكتب بيكا، عبر حسابه الرسمي بموقع التواصل الاجتماعي “فيسبوك”: “رسالة لطلاب الثانوية العامة و الكليات .. هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح )، صدقوني و الله طعم النجاح مع العلم مختلف تماماً عن طعم النجاح من غير علم”.
وأضاف: “العلم بيفرق في كل حاجه في الدنيا، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي و متفتح في كل مجالات الحياة”.
وأردف: “هو اه الشارع علمني كتير، بس مش زي المدارس و الجامعات، حتي لو مش هتشتغل بشهادتك و حتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس”.
واختتم حمو بيكا: “اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده.. انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم”.