هاجم مؤدي المهرجانات حمو بيكا، مجددًا نقابة المهن الموسيقية، برئاسة أمير الغناء العربي هاني شاكر، تزامنًا مع عودة المطرب حسن شاكوش للغناء، وحصوله على تصريح بمزاولة المهنة.
وبث بيكا فيديو مباشر عبر حسابه الرسمي بموقع التواصل الاجتماعي “فيسبوك”، قال به: “مش زعلان عشان مش شغال في مصر، انا زعلان ان انتو حرمتوا جمهوري مني”.
وأضاف: “بناشد أي مسئول، انا مش بعمل حاجة غلط، كل اللي انا طالبه انكو تسبوني اشتغل”.
واستطرد: “كل بتوع المهرجانات والراب اخدوا الكارنيهات مفضلش غيري، سيبوني اشتغل زي زمايلي، الناس دي انا طلعتها بعض ربنا، وهما نجحوا من غيري كتير وكملوا الطريق بلاش تقفوا في طريقنا بقى”.
وتابع: “معدش فاضل في العمر غير حاجات بسيطة مفيش حاجة دايمة غير وجه الله، الخير والمعروف، سيبوا الملك للمالك وبلاش تقطعوا في ارزاق الناس وسيبو الناس تاكل عيش”.
واعترض على منعه عن الغناء، واصفًا ذلك “بقطع الأرزاق”، حيث قال: “لو العبد هو اللي بيقسم الارزاق كان زمان البلد دي انتهت”.
حمو بيكا لـ طلاب الثانوية العامة: أنا مش متعلم وناجح بس طعم النجاح مع العلم مختلف تمامًا
من جانبه، وجه مطرب المهرجانات حمو بيكا، نصيحة لطلاب الثانوية العامة، لكي ينتبهون إلى دراستهم ويلتحقون بالجامعة، ضاربًا مثال بنفسه بأن النجاح بدون علم ليس له طعم.
وكتب بيكا، عبر حسابه الرسمي بموقع التواصل الاجتماعي “فيسبوك”: “رسالة لطلاب الثانوية العامة و الكليات .. هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح )، صدقوني و الله طعم النجاح مع العلم مختلف تماماً عن طعم النجاح من غير علم”.
وأضاف: “العلم بيفرق في كل حاجه في الدنيا، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي و متفتح في كل مجالات الحياة”.
وأردف: “هو اه الشارع علمني كتير، بس مش زي المدارس و الجامعات، حتي لو مش هتشتغل بشهادتك و حتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس”.
واختتم حمو بيكا: “اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده.. انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم”.