كشف مصمم الجرافيك محمد نادر الشهير بـ حمو الرايق في حوار خاص لـ أوان مصر عن بدايته في هذا المجال، والأعمال الذي شارك فيها وحققت نجاح كبير وابرزهم لوجو مطعم “بيكا ساندوتش”.
ويعد العمل الحر من أكثر أنواع العمل انتشارا ، نظرا لكونه مهنة مربحة، تتسم بالحرية الشخصية في تحديد ساعات العمل، دون التقيد بأوامر من أي جهة ،ويعتبر مجال الديزاين أو التصميم الجرافيكي ، أكثر ربحا وشهرة ، نظرا لكثرة الطلب عليه في العديد من الشركات، إضافة إلى الأعمال الشخصية، فضلا عن احتياجات رواد السوشيال ميديا له.
حمو الرايق يروي تفاصيل بدايته في مجال الجرافيك
وحرص موقع “أوان مصر” على إجراء حوارًا صحفيًا مع مصمم الجرافيك “محمد نادر”.
وبدأ حوارنا كالتالي:-
– في البداية ممكن تكلمنا شوية عن نفسك ؟
اسمي محمد نادر حسن .. شهرتي حمو الرايق 27 سنه، من مواليد مدينة الإسكندرية منطقة العصافرة قبلي،
خريج أزهر ومعهد حاسب آلي.
– منذ متى وأنت تعمل في مجال الديزاين ؟
شغال في مجال الديزين من وانا عندي 14 سنة يعني من حوالي 13 سنه تقريبًا.
– هل يوجد من علمك الديزاين ولا كان تعليم ذاتي ؟
اتعلمت الجرافيك مع نفسي زمان مكنش في كورسات للجرافيك كتير وفي سني ده تقريبا كانت الكورسات بمبالغ ماديه كبيره في وقتها.
– هل سلكت مجال الديزاين كعمل أم هواية؟
في الاول دخلت مجال الديزين كهواية لكن دلوقتي هواية وعمل وبقي مصدر رزقي.
– ما هو أكثر عمل صممته وحقق نجاح كبير ؟
اكتر مشروع اشتغلت فيه واتشاف اعمال كتير جداً منها مهرجان هاتلي فوديكا وجيفاز .. حبيتك وجرحتيني – انا بيكا ماي لاف الفانز – انا عيني علي التاتو – يا خاينين – مساء النقص وتصميم لوجو شركة ViP للانتاج الفني – ولوجو مطعم بيكا ساندوتش واتعاملت مع مطربين كتير جداً اكتر مطربين المهرجانات وشركات الانتاج والنجم الجميل سعد الصغير وقريب جدا في عمل مع النجم محمود الليثي.
– حدثنا عن بداية الصعوبات التي واجهتك؟
البداية اكيد كانت صعبه من الناحية الماديه وانا كنت بشتغل باقل الامكانيات انا كنت شغال في مول زهران بالساحل الشمالي 16 ساعه تقريبا في اليوم واشتغلت شغل كتير جداً في مجالات كتير جداً بس كل الشغل ده مكنش بيفارقني فيه اللاب توب بتاعي عشان اشتغل الجرافيك تعبت كتير جداً لحد ما ربنا كرمني وبقيت بالاسم ده.
-حدثنا عن أكبر عقبة قابلتك في مجال الديزاين؟
اكبر عقبه قابلتني في مجال الديزين، وهي سرعة الناس في طلب شغلهم وانهم ميدونيش وقتي في اني اعمل حاجة فيها فكر كويس .
– وجه نصيحة لكل المبتدئين في هذا المجال؟
متخليش حد يوقفك وكمل واسعي خد كورسات نمي موهبتك لان ده فن مش حاجة وحشه خالص وطول ما انت بتسعي.