تحدث الكابتن “حلمي طولان” المدير الفني لنادي انبي، من خلال تصريحات لبرنامج “استاد مصر” مع الإعلامي “مدحت شلبي” المُذاع عبر قناة أون تايم سبورت، عن هزيمة فريقه اليوم.
وأوضح: “إحنا لعبنا النهاردة أحسن من الزمالك، ووصلنا لمرماهم أكتر منهم وكنا متواجدين في نصف ملعبهم باستمرار، وهجماتنا كانت الأخطر طوال المباراة”.
وقال: “انا عمري ما اتكلمت على أداء حكم ولا بتكلم، بس الاحساس بالظلم وحش اوي وهو اللي بيخليني اتكلم”.
وكشف: “في العالم كله الحكم بيلجأ لتقنية الفيديو في الحالات الجدلية.. ليه عندنا مبيحصلش دا”.
وتابع: “أنا بحترم محمد الصباحي والحكام ولكن ليه مطلعش يبص في الفيديو على لعبة انبي، بالرغم من ان حكم الفيديو قاله يجي يبص”.
وأكمل: “لو كانت اللعبة دي لصالح الزمالك كان طلع وشافها في الفيديو، بس هي عشان لانبي مرضيش يشوف حاجة”.
وأشار: “اللي حصل من مدحت عبد الهادي دا عيب اوي ميصحش، دا ابن من أبنائي”.
وواصل: “عيب اوي لما تيجي تشوح للجهاز بتاعي يا مدحت يا عبد الهادي، انت بتمثل نادي عريق لازم تكون على نفس القدر بتاع النادي”.
واختتم حديثه قائلًا: “انا دخلت أوضة اللبس للّاعبين وقولتلهم معلش ميهمناش النتيجة احنا اتعرضنا للظلم ولعبنا كويس طول المباراة وحفزتهم للمباراة القادمة”.
اقرأ أيضًا..