كتب : أسماء أبوبكر
انتقدت الفنانة حلا شيحة من يهاجمها او يتعدى على حريتها بسبب خلعها للحجاب ، بعد ارتداءه فترة من الزمن، قائلة :ربنا رحمن رحيم.. نقلع الحجاب وبيسامحنا ومش بيعاقبنا.. ربنا بيحب الحجاب بس ده مش هو الأساس في الموضوع.
و أوضحت الفنانة حلا شيحة المثيرة للجدل بسبب حجابها ان الحجاب ليس الأساس في الدين وأنه لم يذكر في اول القران بل في منتصفه في سورة النور.
وقالت شيحة في حوار مع قناة CutheCrap على موقع يوتيوب بنربي أبناءنا على مفاهيم خاطئة قائمة على الخوف من الله والعقاب، وعلينا تربيتهم على حب الله والتقرب منه وليس الخوف فقط .
وأضافت: ان البني آدم حاجتين هما الروح والجسد ، وكنت حاسة بكل حاجة اثناء ارتداءي الحجاب من بره وكنت محتاجة الحتة اللي جوه اللي هي فكرة الصلاة والقرآن، موضحة على حسب قولها أن الصلاة والقران ملهمش علاقة بالحجاب والتدين ، مؤكدة انها اول مرك تشعر بتقرب من ربنا وأنها احبت الصلاة والقرآن مما منحها راحة نفسيه غير طبيعية ” على حد قولها.
وحول فكرة خلعها للحجاب قالت حلا شيحة .. ربنا مش عايزنا شبه بعض، عايزنا نكمل بعض، مضيفة فى الوقت نفسه أن الورود في الشجرة الواحدة مختلفة الألوان، وصوابعنا كمان مش زي بعضها، أنا مش شيخ عشان أخليني لابسة الحجاب أنا بني آدم.. ومش اَي حد يحكم على التاني لان في ربنا موجود وهو اللي بيحكم علينا كلنا.
واستنكرت حلا شيحة الهجوم عليها بمجرد انها خلعت الحجاب ، واصفة من ينتقدها انهم لا يطبقون سنة النبي صلى الله عليه وسلم، موضحة ان النبي كان رحمة في كل شيء، مبدية استياءها الشديد من الفئة التي هاجمتها بشكل وصل إلى مرحلة جرح
وقالت: ربنا سبحانه وتعالى أرسل نبيه بالهدى ورحمة للعالمين.. إنما الناس هاجموني بشكل جرحني .. محدش يقدر يحكم على حد ولا على مدى تقربه من الله ، مضيفة” ربنا مش بيعمل كدا ومن رحمته علينا اننا مش بنشوفه عشان لو كنا شايفينه كنا هنخلينا ماشيين خايفين طول الوقت، ربنا رقيب علينا طول الوقت بس إحنا مش شايفينه ودي رحمة منه.
وقالت ان ارتداء الحجاب وعدمه من الأمور الشخصية ومن المفترض الا يحكم شخص على اخر بمجرد ان لبسه مش عاجبه او ان فلانه لابسة حجاب ولا لا.. ربنا ما قالش كدا خالص .. ربنا رحمن رحيم .