حلا شيحة/ تلقت الفنانة رسالة نارية من النجمة راندا البحيري، وذلك بعدما هاجمت الفنان تامر حسني، عبر حسابها الرسمي بموقع التواصل الاجتماعي “فيسبوك”.
وانتقدت راندا تصرف حلا شيحة، وتعليقها على مشاهدها في فيلم “مش أنا”، حيث قالت:”هو محدش قال لحلا إن باب التوبة مش موجود على الإنستجرام؟، هو برضه اللي مضطرب؟ لالالا، والله كانت صعبانة عليّ في الأول، بس كده صعب أوي حد ياخد بقي منها الموبايل بسرعة”.
وسخرت “البحيري” من “شيحة”، معلقة:”فتاتي إزاي تكوني داعية بمنتهى السهولة وتنصحي زمايلك وتنتقديهم في يوم وليلة؟”.
وواصلت الهجوم:”عريس وطرحة اتنين متر وفرح، بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لاء، ده بتقولك إحنا بمقايس ربنا لم و(لن) ننجح والعياذ بالله إن شاء الله إنتِ”.
وأردفت:”هو محدش فهمها إن اللي بتعمله ده ممكن يعرضها للمسائلة القانونية وإنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده أكنها أحسن منه، واحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي و ربنا جعله سبب لفتح بيوت أد كده، تقوم دي تنصحه؟ لا والله هم يضحك”.
حلا شيحة تعلن اعتزالها الفني
وكانت قد أعلنت الفنانة حلا شيحة تبرأها من فيلمها الأخير “مش أنا” الذي قدمته بمشاركة الفنان تامر حسني ويعرض حاليًا داخل دور العرض السينمائي، وهاجمت تامر لنزول كليب جديد ظهرت فيه بصورة رومانسية، ودعته للتوبة.
وقد ردت الفنانة حلا شيحة على تامر حسني بعد طرح فيديو كليب “بحبك” من فيلم “مش أنا”، وظهرت حلا في المشاهد التي تضمنها الكليب، بعد ان طلبت منه عدم ظهورها في هذا الكليب، ولهذا السبب غضبت هاجمته وعلقت على ما فعله تامر بكلمات قاسية، وكل هذا بسبب فيلم مش أنا.
وكانت قد كتبت عبر صفحتها الرسمية بموقع تبادل الصور والفيديوهات “إنستجرام” قائلة: “انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وأضافت: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح”.
تعليق والد حلا شيحة على اعتزالها الفن
علق أحمد شيحة، والد الفنانة حلا شيحة على تصريحاتها الأخيرة، حول تبرأها من مشاهدها مع الفنان تامر حسني بكليب “بحبك” من فيلمهم الأخير “مش أنا”.
وقال أحمد شيحة في تصريحات صحفية: “مفيش حاجة اسمها إن الفنان يعمل دور يكون قرأه، ومثله وبعدها يرجع يقول أنا مش عايز المشاهد دي، حتى لو كانت بنتي، وايه دخل تامر حسني إن هو يشيل ويحط”.