حلا شيحة/ تعرضت الفنان لإنتقاد جديدة من المخرج محمد العدل، جراء تصريحات الآخيرة وهجومها على الفنان تامر حسني، بسبب طرح كليب “بحبك” من فيلمها الآخير “مش أنا” عبر اليوتيوب، والذي تضمن احضان متبادلة بين الطرفين ومشاهد رومانسية.
وكتب محمد العدل عبر صفحته الرسمية بموقع التواصل الاجتماعي “فيسبوك”:“اللى عملتيه شايفاه حرام هتصرفى فلوس حرام؟؟؟؟ رجعى الفلوس”.
حلا شيحة تهاجم تامر حسني وتعتزل الفن
وقد ردت الفنانة حلا شيحة على تامر حسني بعد طرح فيديو كليب “بحبك” من فيلم “مش أنا”، وظهرت حلا في المشاهد التي تضمنها الكليب، بعد ان طلبت منه عدم ظهورها في هذا الكليب، ولهذا السبب غضبت هاجمته وعلقت على ما فعله تامر بكلمات قاسية، وكل هذا بسبب فيلم مش أنا.
وكانت قد كتبت عبر صفحتها الرسمية بموقع تبادل الصور والفيديوهات “إنستجرام” قائلة: “انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وأضافت حلا شيحة: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم.
تعليق تامر حسني على تصريحات حلا شيحة
علق الفنان تامر حسني على تصريحات حلا شيحة، حيث نشر بوست عبر صفحاته الرسمية بمواقع التواصل الاجتماعي، جاء فيه:”الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا”.
وهاجمها قائلًا:”و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!!”.
وأضاف:”و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا”.
واستطرد:”و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!”.