تامر حسني/ رد الفنان على النجمة حلا شيحة بشأن التصريحات الآخيرة التي أعلنت عنها عبر حسابها الرسمي بموقع التواصل الاجتماعي “إنستجرام”، فقد تبرأت من فيلم مش أنا”، بالإضافة إلى هجومها على تامر بسبب كليب “بحبك” لما يتضمنه من صور رومانسية واحضان بين الطرفين حسب ما نص علىه المحور الدرامي للفيلم.
وكشف تامر حسني عن حقائق جديدة في خلافه مع حلا، حيث كتب عبر صفحته بموقع “إنستجرام”:”الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا”.
وهاجمها قائلًا:”و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!!”.
View this post on Instagram
تعليق تامر حسني على تصريحات حلا شيحة
وأضاف:”و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا”.
واستطرد:”و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!”.
وعاتب تامر حسني “شيحة”، معلقًا:”أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين”.
حلا شيحة تهاجم تامر حسني وتعتزل الفن
وقد ردت الفنانة حلا شيحة على تامر حسني بعد طرح فيديو كليب “بحبك” من فيلم “مش أنا”، وظهرت حلا في المشاهد التي تضمنها الكليب، بعد ان طلبت منه عدم ظهورها في هذا الكليب، ولهذا السبب غضبت هاجمته وعلقت على ما فعله تامر بكلمات قاسية، وكل هذا بسبب فيلم مش أنا.
وكانت قد كتبت عبر صفحتها الرسمية بموقع تبادل الصور والفيديوهات “إنستجرام” قائلة: “انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وأضافت: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم