نشر الفنان محمد رحيم رسالة يعلن فيها تعليق كافة نشطاته الفنية لأجل غير مسمى، عبر حسابته الشخصية على مواقع التواصل الاجتماعي فيسبوك وإنستجرام.
رسالة محمد رحيم لجمهوره
ووجه رحيم لجمهوره رسالة يعلن فيها تعليقه كافه نشاطاته الفنية والسفر لخارج البلاد، قائلا: “تعليق كل نشاطاتي الفنية لأجل غير مسمى حتى إشعار آخر، مع احتمالية اعتزال المهنة والسفر خارج البلاد”.
وفسر رحيم سبب تعليقه لكافة نشاطاته الفنية في رسالة طويلة، قائلا: “سؤال ياجماعة هو ينفع حفله زي دي تعزموا كل ملحنين وصناع الموسيقى في مصر الا محمد رحيم طيب ازاي ؟؟ ده أشهر وأهم أغاني النجوم دي كلها من أعمالي، يعني شيرين اللى طلعت غنت مشاعر، والوتر الحساس، وصبري قليل، كل دي حاجات محمد رحيم مع احترامي لكل المبدعين اللى موجودين طبعا كلهم فوق راسي وأخواتي، وعمرو دياب اللى قاعد ده أنا واخد معاه جائزه ال ميوزيك اوورد العالمية وطلع غنى غنوتي وهو بيستلم جائزته سنه 2001 حبيي ولا على باله”.
وتابع حديثه قائلا: “ومعالي وزيرة الثقافواللى شرفت الحفلو حرفيا وهي سيدة فوق الوصف في الاخلاق، وبكن ليها كل حب واحترام، هي اللى سهلتلي إجراءات السفر لفرنسا من كام شهر علشان اروح استلم جائزة العضوية الكاملة الماسية، اللى هى آخر حاجه ممكن يحصل عليها ملحن أو مؤلف على مستوى العالم، وبالمناسبة وأنا هناك جبت معايا كل شهادات التقدير والاحتراف بتاعت زملائي الأصغر مني سنا كلهم اللى كانوا أول مره بيتكرموا وساعتها قلت: أن مصر أكبر دوله حصلت على تكريمات السنادي من مؤسسه SACEM.FR باريس في مجال الموسيقى”.
وتحدث عن أعماله الفنية التي قدمها لنجوم مثل محمد منير، قائلا: “حتى الفنان محمد منير اللى حضوره نور الحفلة، أنا اللى عامله يونس، وياحمام وقلبي ميشبهنيش،اللى هما بالمناسبة كلمات الشاعر العظيم عبد الرحمن الابنودي ، اللى مكانش بيشتغل غير معايا من جيل الملحنين الشباب إيمانا بموهبتي وحققنا نجاحات كبيره جدا الحمد لله سوا، وبالمناسبه هو اللى كاتب عيون القلب اللى لحنها الموسيقار الموجي يعني منير لو كان غنى يونس إمبارح كان هيبقى الخال الابنودي اتغناله عملين في نفس الحفلة عيون القلب لحن الموسيقار محمد الموجي، ويونس لحن محمد رحيم طيب”.
وأضاف في رسالته عن تعاونه مع الشاعر السعودي سعود الشربتلي، قائلا : “ولو اتكلمنا عن الليالي المصرية السعودية والتعاون مابين أكبر بلدين عربيتين في مجال الفن، طب وهو فيه تعاون أحلى من التعاون اللى حصل بيني وبين الشاعر السعودي الكبير سعود الشربتلي، اللى كتب غنوه الوتر الحساس لشيرين وأنا لحنتها وتعبت فيها وبذلت فيها مجهود كبير لحد ما نزلت والحمد لله حرفيا هي النهارده أغنيه عربيه عالميه (قولا واحدا) لأن كل جنسيات العالم بيغنوها بالعربي ومواقع التواصل موجوده وتشهد”.
ونهى رسالته، قائلا: ” معرفش بس حبيت أسأل يعني هو لحد أمتى المبدع المجتهد هنفضل نحط من قدره ونقتله معنويا بالشكل ده، وهل ده مقصود ولا حدث سهوا وعلى فكرة أنا بتكلم عموما في المبدأ مش بس الجزء اللى يخصني معرفش ليه الموقف ده فكرني بغنوه بتاعتي غنتها نانسي عجرم اسمها (في حاجات تتحس ومتتقالش ) بس لما تلاقيها مش بتتحس بتضطر تقولها !!!!