كشف الفنان الشاب رامز أمير تفاصيل حلم بشع شاهده بسبب الصراع الفلسطيني الإسرائيلي، وسقوط عدد كبير من الشهداء والمصابين في الأحداث الأخيرة بسبب اعتداءات قوات الاحتلال الإسرائيلي.
وشارك رامز أمير مقطع فيديو عبر حسابه الشخصي على موقع الصور والفيديوهات القصيرة “انستجرام” ، وتحدث خلاله عن حلم تعرض له أثناء نومه والذي وصفه بـ “البشع”، مطالبًا متابعيه بمساعدة الشعب الفلسطيني في أزمته.
تفاصيل حلم رامز أمير
وعلق رامز على الأحداث الجارية قائلًا: “حلمت بكابوس بشع، حلمت أني فلسطيني وعمال أهرب وكل ما اهرب من الصهاينة وأوصل مكان استخبى فيه اطمن، يلاقوني تاني قعدت أهرب طول الحلم وبعد ما اتطمنت اني هربت منهم جابوني تاني”.
وتابع: “عارفين ايه عملته في الاخر عشان أهرب منهم حفرت في الرملة ودفنت نفسي، أنا جاي اتكلم معاكم انهاردة عشان اطلع اللي جوايا، أول امبارح أستاذ أشرف زكي نقيب الممثلين اللي كلنا نكن له كل الاحترام والتقدير نظم يوم عشان نعمل وقفة كلنا كفنانين في مصر ندعم فيه القضية الفلسطينية”.
وأضاف: “والمفروض أني أروح بس حسيت احساس غريب أوي حسيت أني مكسوف حاسس أن الوقفة مش هتعمل حاجة أنا عارف أنها مهمة تتعمل بس والله مكسوف مكسوف من نفسي قدام نفسي قبل قدام أي حد”.
واستكمل: “اخويا بيقولي أنا بموت وانا بقوله هجيب لك أكل وماية وهعمل وقفة عشان أدعمك ازاي يعني، يعني آخر الليل قبل ما ولاده يتقتلوا ياكلوا عشان يموتوا وهم شبعانين”.
وعلق رامز أمير على مقطع الفيديو قائلًا: “كلمتين لازم أقولهم عشان احساس القهر والعجز، قاتلني وياريت حد يقنعني اني غلط عشان استريح من الإحساس البشع اللي أنا حاسه، حد يقنعني ان اللي احنا بنعمله ده هيحرر أهلنا ويخلصهم من المجازر اللي بتحصلهم بقالهم سنين”.