وجه مؤدي المهرجانات الشعبي حسن شاكوش رسالة لـ جمهوره ومتابعيه، بعد أزمته الشهيرة مع زوجته ريم طارق، وذلك من خلال منشور له عبر حسابه الشخصي على موقع التواصل الاجتماعي فيسبوك.
وكتب حسن شاكوش: الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شئ طالما محدش شاف حاجة وأنا برضو هفضل عند قراري مش هتكلم في أي تفاصيل حتي مهما سمعت أي تجريح.
وأضاف: بس حقيقي كل شخص هيتسأل قدام ربنا عن كلامه بس الحمد الله وأنا حابب اعتذر لكل أهل بيتي وجميع أفراد إدارة أعمالي وكل فرد في فرقتي على الإساءة اللي بيتعرضولها يوميا من خلال السوشيال ميديا وخارج السوشيال ميديا.
وتابع شاكوش: وآسف تاني لكل أهل بيت في مصر وبرا مصر على الإساءة اللي حصلت على السوشيال ميديا وحابب اشارك معاكم التريند بطريقة كوميدية وفيديو ترفيهي على التيك توك.
واختتم حسن شاكوش حديثه: بدون الاساءة في اي شخص ربنا يعلم أنها حاجة ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم.