كشف حازم إمام عضو اتحاد الكرة المصري، عن حزنه الشديد لخسارة منتخب مصر أمام تونس بثلاثية مقابل هدف بهذه الطريقة.
وقال عضو اتحاد الكرة:” الخسارة تزعل ولكن ظروف المعسكر غير منطقيهومقدرش أقول ده مستوانا الحقيقي، اللعيبه مكنتش جاهزه وبشكرهم على مجهودهم لانهم لسه في فترة الإعداد بداية الموسم
وواصل:” المعسكر ده الدنيا مكنتش واضحه فيه والناس اللي كانت بتقول مباريات ملهاش لازمه وودية، والاجواء المحيطه بالمعسكر محدش كان مركز مع المنتخب زي كل معسكر”.
وتابع:” ظروف المباراة مش هتتكرر في المعسكر الجاي لأن عندنا تصفيات كأس العالم وأتمنى الإهتمام بالمنتخب اكثر من كل الناس علشان معندناش وقت نجرب تاني
واستطرد:” إحنا متفقين مع الأهلي ومفيش مشاكل ومدينا ايدينا لكل الأنديه اللي كان عندهم ارتباطات !
وأكمل:” التجربه كانت ناقصه لكن مهمه علشان تشوف البدايل والمراكز اللي فيها مشكلة”.
وصرح:” متقلقوش ده مش أداء منتخب مصر، معظم اللعيبه مش جاهزه بدنيا لأننا لسه بدايه فترة الاعداد
وتحدث:” الناس متضايقه وقلقانه وحقهم، وكنا عارفين من الأول أن الظروف مش طبيعيه لكن كنا حابين نشوف البدايل
وأتم:” عندنا مشكله كبيره بغياب الونش وحجازي وممكن ميلحقوش بطولة امم افريقيا ولازم نشوف البدايل والمباريات دي بتوريك وتشوف المشاكل علشان تعالجها.