اختطاف الفتيات أمر أصبح منتشر في الأونة الأخيرة، خاصة بعد ظهور حيلة جديدة لخطف الإناث وهي «شكة دبوس مخدرة»، الأمر الذي جعل الأهالي في حالة ذعر وخوف على بناتهم.
حادث اختطاف فتاة بشارع الهرم
نشرت فتاة تدعى نور حسن مقاطع من الفيديوهات التي التقاطها من واقعة رأتها أمس بشارع الهرم، وهي سيارة خطت لخطف فتاة، وروت نور حسن ما رأته على صفحتها الخاصة بموقع التواصل الاجتماعي «فيسبوك» قائلة: «ماشيين انا وماما ع الهرم شارع المطبعه لقينا بنت راكبه اسكوتر وعربيه ماشيه من جمبها خادو منها الاسكوتر وحطوها فالعربيه لولا ان احنا شوفناها وراجل معانا قدر يوقف العربيه بعربيته بعد اما عربيته ادغدغت عشان يقدر ينقذها، نزلنا البنت كانو مخربشنها فجسمها كله ومبهدلنها العربيه كان فيها ٢ستات و٢رجاله اللي بجلابيه فالفيديو وواحد خد السكوتر بتاعها وجري للاسف مقدرناش نلحقه
المشكله ان ست منهم عمال تقول انا اعرفها مش ده جوزك ودي مرات ابني وتزق فالبنت عشان نسيبها وياخدوها».
مضافة: «واول اما قولتلها هطلب الحكومه هربت فثانيه مننا والعربيه جريت بس انا صورتها والشباب فالشارع مسكو واحد منهم والباقي للاسف هرب
نخلي بالنا يابنات ونبي اليومين دول عشان الموقف كان صعب اووي».
مختتمة حديثها حول واقعة الخطف التي رأتها: «انا وماما مسبناش البنت غير لما سلمناها لاهلها والحكومه بس طبعا كانت منهاره والله واعلم هتقدر تمشي لوحدها ازاي فالشارع بعد كده، فربنا يستر علينا كلنا ياارب».