وجهت الفنانة جوري بكر رسالة خاصة إلى متابعيها، وذلك من خلال منشور عبر حسابها الشخصي على موقع تبادل الصور والفيديوهات القصيرة إنستجرام.
وكتبت جوري بكر من خلال خاصية استوري: خليكم مقتنعين دائما بأن مش كل اللي بتشوفه حقيقي.. ومش كل اللي بنزله حقيقي.. ممكن ورا الصورة والضحكة اللي نزلت دي الكواليس بتاعتها كانت كلها كسرة وغضب وعياط، وتعب نفسي وتعب جسدي، وحاجات تانية كتيرة.
وأضافت: رسالتي اللي عايزة أوصلها مفيش حد بيحب يشارك الناس اللي بتتابعه اللي هي اصلا فيها اللي مكفيها حاجات سلبية .. بس لازم اديكم أمل في بكرا وأن ربنا بيعوض لأن ربنا مش بيحب الحاجات الوحشة.. ادعوا لبعض واتمنوا الخير لبعض متعرفوش ربنا خد ايه مني أو من غيري عشان يكرمني بأي حاجة تانية في حياتي.
وكانت ردت جوري بكر على شائعات طلاقها التي تنتشر عبر منصات السوشيال ميديا من حين لـ آخر، وذلك من خلال منشور عبر حسابها الشخصي على موقع تبادل الصور والفيديوهات القصيرة إنستجرام.
وكتبت جوري بكر خلال خاصية استوري: أنا بخير الحمد لله وزوجي الراجل المحترم بخير وربنا يكرمنا إن شاء الله ونشوف ابننا على خير ادعولنا بس، وكفايا اشاعات ارجوكم أعصابي تعبت والله تعبت يارب تكونوا مبسوطين كدا ومتطمنين، حياتي الخاصة خط أحمر.
وأضافت: على فكرة أنا بخير ومفيش أي حاجة من الاشاعات اللي بتطلعوها عليا حصلت ومحدش يدخل يمثل ويقولي خير حبيبتي مالك ما انتو مش بتسالوا غير في المصايب لكن غير كدة لا.. هفضل طول عمري صريحة وأقول أي في قلبي لاني مبخافش غير من اللي خلقني.