كشف المخرج جمال عبد الحميد خلال الندوة الذي أقيمت بمعرض القاهرة الدولى للكتاب والتي حوارته فيها المذيعة بسنت الحسيني، كواليس مسلسل زيزينيا قائلاً: «كنت بشتغل مع سيد حجاب باستمرار وكان الوقت ده سافر وجيبنا أحمد فؤاد نجم عشان يكتب التتر».
وتابع جمال عبد الحميد: «كان لازم اختار مجموعة كبيرة من نجوم مصر، ويحيي الفخراني اشتغل معايا في علي بابا والأربعين حرامي، ولما جيت أعمل زيزينيا وأسامة أنور عكاشة هو اللي رشحه».
وأضاف جمال عبد الحميد: «كنت حابب فاروق الفيشاوي بس هو اعترض عليه رغم أن فاروق كان ماضي معانا وعمل بروفات وفاروق زعل ومشي وليلي علوي مشيت هي كمان ومبقتش عارف أجيب مين مكانها وهو قالي على آثار الحكيم بس كل الناس كانت بتكرها عشان بتتخانق مع كل الناس والجزء اللي بعده جيبت بدالها هالة صدقي».