قرر مطعم قصر الكبابجي التبرع للعاملين بمطعم البرنس بعد إغلاقه من قبل الجهات المختصة، بمبلغ مالي وصل 100 ألف جنيه.
وقالت الصفحة الرسمية لقصر الكبابجي: كبدة البرنس مش مجرد مطعم ده ايقونه و هرم كبير و تاريخ مشرف للمطاعم المصرية كلها و الاكل الشرقي في العموم
وأضاف: عشان كده الدعم ليه واجب علينا كلنا و الدعوة لتقنين الاوضاع مع المحافظة بما يناسب سكان المنطقة اولاً ولا يضر العمل في المطعم ثايناً لازم يكون اولوية عند الجميع
و بما إن المطعم مفيهوش اي مخالفات طبية او بيطرية او من ناحية التراخيص فلابد من اعادة فتح المطعم داخلياً على الاقل في اقرب وقت لان في أسر كتير تعتمد في رزقها على العمل في المطعم و كمان محدش يرضى بخسارة غير مبررة لاصحاب العمل و العاملين فيه و ذويهم
وتابع: كلنا جربنا فترة الاغلاق اثناء الكورونا و كلنا عرفنا قد ايه الموضوع بيبقى صعب على العاملين و اصحاب الاعمال و عشان كده بنتمنى من الحاج ناصر البرنس يقبل مننا دعم مادي بسيط 100 الف جنية تعويضاً للأسر العاملة عن فترة الاغلاق و اللى احنا متأكدين ان الحاج ناصر مش بينساهم و لكن حابين نشارك معاكم و نبقى على قلب رجل واحد لحد الازمة ما تعدي على خير و نرجع كلنا نستمتع بواحد من أهم معالم الطعام المصرية في العصر الحديث.