نشر الفنان تامر حسني عبر حسابه على موقع التواصل الاجتماعي لتبادل الصور والفيديوهات انستجرام، عدة صور اثناء حصوله على بطاقة السعادة من دولة الامارات، وذلك تقديراً لأعماله.
وكتب عبر الصور : كل الفخر و الشكر لسمو الشيخ محمد بن راشد آل مكتوم حاكم دبي ،، على تقديره الغالي لشخصي و فني كفنان مصري عربي من خلال منحي (( بطاقة السعاده )) التي تمنح لكل من يساهم في إسعاد الآخرين”.
تامر حسني يحتفي بـ نجاحه في الغناء: بحلم بيه من وأنا صغير
أعرب نجم الجيل تامر حسني، عن سعادته العارمة بالنجاح الذي حققه في حياته الفنية، وبالحال الذي عليه الآن، عبر حسابه الرسمي بموقع التواصل الاجتماعي “إنستجرام”.
ونشر تامر مقطع فيديو، أثناء مروره وسط المعجبين، إلى إحدى حفلاته، وعلق: “المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه و كنت بسأل نفسي طب يارب انا هتشهر بالشكله دا و الناس هتحبني كدا في اي مجال”.
وأضاف: “عشان ساعتها كنت بلعب كوره بس كان عندي اصابات كتير بدري على سني و مشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل و دا شيء محبط لإني كنت مصنف لاعب مهاري كويس، و الموضوع دا اتكرر معايا في الزمالك و الأهلي و الإتنين استغنوا عن خدماتي”.
وأردف تامر حسني: “يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني بس اتاري ربنا كان كاتبلي مستقبل تاني و افضل ليا بس عرفت دا لما دورت جوه نفسي بجد بمساعدة او معجب ليا اول fan في حياتي و الوحيد اللي كان مصدقني و هي امي”.
واستطرد: “يعني مهم اوي انك تدور جوه نفسك عشان لازم هتلاقي ربنا مخلقكش فاضي و اتمنى من الأهل انهم يركزوا مع ولادهم في اصغر سن ليهم و يفضلوا دايماً يكلموهم عن الحلم و الطموح و النجاح ..بكتب الكلام دا و واثق مليون في الميه ان فيكم حد محتاج يسمعه و كان مستنيه الإشاره جت اهي مالكش او ملكيش حجه”.