توجهت البلوجر آية الزيني إلى مستشفى 6 أكتوبر الجامعي في الساعة الخامسة والنصف صباحا بعد تعرضها لألم شديد في المعدة، وهاتفت البلوجر صديقها يوسف الذي وصل وتوجها إلى قسم الطوارئ وهناك وجدت نائب الطوارئ وشرحت له ما تعاني منه لكن خلال الكشف عليها فوجئت كما زعمت في التحقيقات بملامسة أجزاء حساسة من جسدها.
وكشفت التحقيقات في قضية البلوجر الشهيرة آية محمود الزيني التي حملت رقم 12300 لسنة 2023 جنح أول 6 أكتوبر والمتهم فيها طبيب “ع.ا” يعمل بمستشفى 6 أكتوبر الجامعي، بهتك عرض المجني عليها بالقوة، خلال إجراء الكشف عليها بسبب تعرضها لألم شديد في المعدة.
وقالت البلوجر آية الزيني: بعد ما لمس أماكن حساسة من جسمي أكتر من مرة، في اللحظة دي عرفت أن نيته مش تمام فمسكت أيده وقلتله أنت بتعمل أيه أنا هنده يوسف دلوقتي وبدأت أنادي على يوسف فالدكتور جري وأنا عدلت هدومي ولبست الشبشب وجريت وراه”.
وأضافت البلوجر آية الزيني: “لاقيته قاعد على كرسي ورا مكتب ويوسف جه والناس اتلمت حوالينا وجه حد من المستشفى قالي طب اطلعلي بره وهو هيتكلم معاه، فاطلعت بره باب الطوارئ واتصلت بالنجدة وجم واخدوا الدكتور وأنا رحت معاهم وعملت محضر باللي حصل”.
وواصلت البلوجر في التحقيقات: “هو استغل أنه دكتور وأنا مريضة وكان بيكشف عليا وأنا كنت مسلمة نفسي بحسن نية على أساس أنه دكتور، ولما عمل الحركة أول مرة رد عليا، أن فيه فقرات تحت ولازم يشوفها وأنا صدقته بس ثاني مرة لما لاقيت أيده كلها جوه عرفت أنه بيتحرش بيا”.