قالت الفنانة جوري بكر، أنها لن تحتفل بعيد ميلادها هذا العام، تضامنًا مع الشعب الفلسطيني، ودعمًا لـ أهالي غزة .
وقالت جوري بكر عبر خاصية ستوري على حسابها الشخصي على موقع تبادل الصور والفيديوهات القصيرة إنستجرام: بكرة عيد ميلادي وأتمنى إن محدش يعملي منشن في الاستوري لصورة أو فيديو، أشكركم من قلبي.
وتابعت: عشان بس محدش يزعل مني وللأسف مش حابة احتفل بيه السنة دي، للأسف إحنا الفترة دي يدوبك عايشين وبنشتغل وبناكل عيش، وللأسف مفيش في إيد أي حد حاجة يعملها غير إنه قلوبنا معاكم.
جوري بكر: أنا بكره الساحل
وكانت قالت جوري بكر في فيديو سابق لها من خلال خاصية ستوري على انستجرام: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.
وأضافت: لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.
وتابعت: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة.