حلت الفنانة بسنت شوقي، ضيفة في برنامج” تفاعلكم” مع الإعلامية سارة الدندراوي، المذاع عبر شاشة قناة العربية، تناولت بعض الأسئلة عن حياتها الشخصية ومشوارها الفني وأجابت عليهم خلال اللقاء.
ويرصد موقع “أوان مصر ” لكم أبرز تصريحات الفنانة بسنت شوقي:
- كان نفسي أكون سفيرة وبعدين قولت لأ السفر مرهق، وأنا بحب الفاشون أوي وفكرت إني أكون ستايلست.
- أتمنى أجسد معاناة آثار الطلاق على الأطفال في عمل فني.
- أكتر دور بحبه لـ محمد فراج في مسلسل هذا المساء.
- مفيش أدوار ندمت عليها، ولكن في حاجات اتمنى أنها كانت تتشاف أكتر.
- بتضايق لما بيقولوا أني أكبر من زوجي محمد فراج لأنها مش حقيقة، لو كانت حقيقة مكنش هيبقى عندي مشكلة وهقول وهبقى فخورة جدًا لأننا بنعمل حاجة المجتمع شايف إنها مختلفة.
- كان نفسي كل أدوار سعاد حسني تكون ليا.
- بتضايق من الأسئلة عن حياتي الشخصية، بحس إن الناس متطفلة ومتدخلة جدًا في حياتي الشخصية والموضوع مؤخرًا بقى مزعج جدًا.
- زوجي محمد فراج متحيز جدًا في موضوع الأهلي والزمالك أكتر من والدي، ومستحيل يقبل أني أشجع الزمالك.
- بطلت أتفرج على الكرة المصرية من وقت أحداث بورسعيد.
- أنا لسه مش نجمة صف أول.
- داليا أختي موهوبة أكتر مني، ومفيش حد يقدر يقيم موهبته.
- اتعلمت من ورش التمثيل أن التمثيل عبارة عن السمع مش الكلام اللي مكتوب.
- زوجي محمد فراج مشهور أكتر مني.
الصبر والتفاهم والاحترام مفتاح نجاح العلاقة الزوجية. - أي اتنين بيتخانقوا في الحياة.. وكل مرة كان بيطلع خبر أننا انفصلنا بنبقى مسافرين في إجازة.
- مبردش على انتقادات لبسي، موضوع أن اللبس جرئ ده بيرجع للذوق والتربية ممكن يكونوا شايفينه جرئ وأنا مش شايفة ده، في حاجات كتير وجهة نظر.
- النسوية مش تهمة، ولو أنت مش نسوي فأنت فيك حاجة غلط.
- أنا متفهمة إن الناس ممكن تكون بتضايق أني بتكلم إنجليزي أكتر من العربي، ولكن الفكرة دي البيئة اللي أنا اتربيت بيها حتى لو بنتخانق في البيت بنبرطم بالإنجليزي، وأنا حاولت كتير أصلح الموضوع والناس متخيلة أني بتمنظر ودي مش حاجة أنا فخورة بيها.
- عاملة عملية تجميل واحدة في مناخيري لأنها اتكسرت قبل كده في برنامج، والإنترنت مطلع أني عاملة مليون حاجة وبتضايق أن مجهودي على نفسي بيروح خاصة إني بحب الأكل وحارمة نفسي.
آخر أعمال بسنت شوقي
يعتبر فيلم السيسم، آخر أعمال الفنانة بسنت شوقي، والعمل من بطولة: الفنان طارق لطفي، الفنان أحمد الفيشاوي، الفنانة نسرين طافش، بسنت شوقي، محمد علي رزق، كما ظهرت الفنانة ميس حمدان كضيف شرف خلال الأحداث، والعمل من تأليف أحمد مصطفى، والعمل تحت قيادة المخرج أحمد البنداري.