تمكنت مديرية الطب البيطري ، خلال حملة مكبرة شارك فيها مراقبة الأغذية والتموين ومباحث التموين من ضبط كمية سمكة الأرنب أو القراض أو التعلب أو النفيخة التي تسبب الوفاة.
يقول الدكتور أحمد حمدي مدير عام المجاز بسوهاج بأن كل المسميات دي أطلقت على السمكة بأشكالها المختلفة الصغير والكبير ، وسموها الارنب حيث يوجد بها أربع أسنان حادين جدًا جدًا تشبه أسنان الأرنب ، وهذه السمكة خلال عشرين دقيقة بيسبب تنميل في الأطراف ، والوجه وممكن غثيان ودوخة ونوم طويل وممكن يكون أعراضه أخطر بأنه يسبب شلل لعضلات الجهاز التنفسي وبعد كده وفاة .
ويضيف الدكتور أحمد حمدي بأن السم اسمه التترادوتكسين ، وتفرزه غدد في جسم السمكة تحت الجلد وبجوار النخاع وفي الكبد اللي بيعتبر أشد جزء في السمية ، والمشكلة إن الصيادين عارفين السمكة السامة ، ونتيجة الطمع وبعد ما بيلاقوها في الصيد بتاعهم بياخدوها وبيعملوا الفيليه اللي مستحيل تعرف تميزه عن فيليه باقي السمك التاني .
ويؤكد بان السمك محظور بيعه وتداوله في معظم دول العالم ، واللي هيقولي اليابانيين بياكلوه هقوله مخصصين له مطاعم محدودة بطباخين متدربين ( معدودين) في اليابان كلها واللي يثبت كلامي ان السمك ده محرم على الامبراطور الياباني أكله وده لانهم مهما اخدوا احتياطاتهم مش عايزين اي احتمال لتعرض الامبراطور عندهم للخطر .