تحدث الفنان تامر حسني عن طنين الأذن الذي يُصيب عدد كبير من الناس بسبب الاكتئاب والإرهاق، ولا يوجد علاج طبي إلا بعض الحركات باليد، تمارس كل يوم عدة مرات وبالتكرار يكون لها نتيجة على حسب كلامه .
علق تامر حسني على مقطع فيديو للدكتور بيرج، الذي نشره عبر حسابه الشخصي على موقع الصور والفيديوهات القصيرة الإنستجرام بعلاج مرض طنين الأذن، حيث قال: “صباح الخير معلش هو موضوع بره الأحداث اللي بنعيشها شوية بس مرتبط ارتباط نفسي .. الفترة دي زادت الشكوى عند ناس كتير بسبب الاكتئاب والحزن من الأحداث الحالية أو غيرها، والحقيقة أن واحد منهم الاكتئاب ده ممكن يبقى سبب في حاجة اسمها {طنين الأذن}، وممكن تيجي برضو من حاجات تانية، والتعب ده هو أن الشخص فجأة يسمع صفارة أو ما يشبهه في أذنه طول الوقت ومش بتروح أبدًا ومالهاش علاج وناس بقالها سنين كتير بتعاني منه وعايشين بيها”.
تامر حسني يكشف طرق علاج لـ طنين الأذن بسبب الأحداث الحالية
وأضاف: “الحقيقة الڤيديو ده ممكن يبقى سبب في علاج ناس كتير إن شاء الله.. أرجوكم أبعتوه لكل الناس عشان ممكن حد من حبايبكم يكون عنده وأنت متعرفش ده غير طبعًا أهالينا في غزة الله يكون في عونهم من كده وأكتر، هي طريقة علاجية سهلة هتتعمل زي ما في الڤيديو ممكن تخفوا من أول مرة وممكن تكرروا الطريقة دي ٨ مرات لو بتتحسن كررها كل يوم لحد ما تخف تمامًا”.
واختتم تامر حسني حديثه قائلًا: “لو جسمك مستجابش للطريقة دي خد الحل التاني أدويه ڤيتامين zinc وmilga ومع الوقت هيتحسن إن شاء الله، اللي خلاني أكتب عنه أن بعض الدكاترة بيصنفوه أنه مالوش علاج وعلى المريض أنه يتعايش معاه طول عمره والطريقة دي بالفعل جابت نتيجة عظيمة الحمدلله، يبقى حرام عليا لو منشرتوش …طبعًا كل واحد يرجع لدكتوره لو حابب وربنا يشفي الجميع ويحفظ غزة وأهل غزة وبرضو هفضل أدعي وأقول معجزة من عندك يارب”.