كشف الفنان تامر حسني، عن بداياته قبل دخول عالم الغناء، عبر حسابه الرسمي بموقع التواصل الاجتماعي “إنستجرام”.
وشارك تامر متابعيه، مقطع فيديو من إحدى حفلاته، وعلق: “عشان ساعتها كنت بلعب كوره بس كان عندي اصابات كتير بدري على سني و مشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل و دا شيء محبط لإني كنت مصنف لاعب مهاري كويس، و الموضوع دا اتكرر معايا في الزمالك و الأهلي و الإتنين استغنوا عن خدماتي”.
وتابع: “المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه و كنت بسأل نفسي طب يارب انا هتشهر بالشكله دا و الناس هتحبني كدا في اي مجال”.
View this post on Instagram
تامر حسني: الزمالك و الأهلي استغنوا عن خدماتي
وأردف تامر حسني: “يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني بس اتاري ربنا كان كاتبلي مستقبل تاني و افضل ليا بس عرفت دا لما دورت جوه نفسي بجد بمساعدة او معجب ليا اول fan في حياتي و الوحيد اللي كان مصدقني و هي امي”.
واستطرد: “يعني مهم اوي انك تدور جوه نفسك عشان لازم هتلاقي ربنا مخلقكش فاضي و اتمنى من الأهل انهم يركزوا مع ولادهم في اصغر سن ليهم و يفضلوا دايماً يكلموهم عن الحلم و الطموح و النجاح ..بكتب الكلام دا و واثق مليون في الميه ان فيكم حد محتاج يسمعه و كان مستنيه الإشاره جت اهي مالكش او ملكيش حجه”.