عقبت الفنانة نشوى مصطفى، على غلاء البنزين وانقطاع الكهرباء لمدة ساعتين كل يوم، مشيرة إلى أن ذلك حدث بعدما أصبح العدو يمنع عنا الطاقة، ويحاول التقليل مننا.
وقالت نشوى في برنامج “بنت البلد”، الذي تقدمه عبر فضائية “تن – Ten“: “أنا رزقي على الله في الجملة اللي هقولها، البنزين زاد لما العدو يمنع من عنده إنه يصدر لك طاقة علشان يذلك ويكسرك ويهينك كا مصري، وأنت تقوله مش عايز”.
وأضافت:”الكهرباء بتقطع ساعتين أو ثلاثة في اليوم، إقطعلي 12 ساعة في اليوم الكهرباء مش ساعتين أو ثلاثة بس أنا فوق العدو، العدو مش هيكسرني ولا هيذلني.. الناس اللي بتقول الكهرباء بتقطع ساعتين، إن شاء الله تقطع 24 ساعة بس تكون في بيتك متأمن، مافيش عدو يدخل بيتك يغتصب بنتك أو مراتك، ولا أمك”.
مختتمة كلامها: “الحمد لله نستحمل مع بعض، احنا صحاب البلد دي، يارب احميها واحرسها”.