شهدت الساعات الماضية ولادة شائعة جديدة، تفيد بانفصال الفنانة مي كساب، عن زوجها مغني المهرجانات أوكا، ولكن مي نفت كل هذه الأخبار، وأكدت أنها شائعة.
وحرصت الفنانة حنان ترك على توجيه الدعم الكافي لها، من خلال تعليقات المنشور، الذي نشرته عبر حسابها الرسمي بموقع التواصل الاجتماعي “تويتر”، لتعلن من خلال عدم صحة خبر الانفصال.
وجاء تعليق حنان ترك كالتالي: “حبيبتي ربنا يحفظكم ويسعدكم ويبعد عنكم كل شر … اللهم أمين”.
فيما تضمن المنشور، الذي كتبته مي على: “بطلوا رخص بجد فشله لو كلفتو نفسكم وقريتو البوست بتاعي هتلاقوني كاتبه أهم نعم جاتلي في الدنيا جوزي وأولادي.. ربنا يشفي بجد أنا تعبت من تدخل الصحافة في الحياة كده وترويج إشاعات أكتر #نقيب_الصحفيين إحنا محتاجين قانون صارم عليهم إحنا بني آدمين برضه وعندنا أولاد وأهل بيزعلو علينا إرحمونا”.
وأضافت: “زهقت منكم بجد مش عارفه عاوزين تطلقونا ليه يخرب بيت التريند على الريتش اللي من يوم ما طلع ما شفناش خير.. اتقوا الله أنا عندي ٣ عيال وأهلي بيزعلوا علينا وجمهور أرقي منكم برضه بيزعل علينا ربنا يشفي بجد”.
زهقت منكم بجد مش عارفه عاوزين تطلقونا ليه يخرب بيت التريند ع الريتش اللي من يوم ما طلع ما شفناش خير اتقو الله أنا عندي ٣ عيال وأهل بيزعلو علينا وجمهور ارقي منكم برضه بيزعل علينا ربنا يشفي بجد
— Mai Kassab مي كساب (@maikassab) November 1, 2021
مي كساب تعلن تعافيها من كورونا
ومن ناحية أخرى، كشف الفنانة مي كساب، عن تعافيها من فيروس كورونا المستجد “كوفيد 19″، وذلك عقب إصابتها لفترة طويلة من الوقت، كما أعربت عن مدى صعوبة المدة التي مكثتها وكانت في حالة مزرية وقتها.
وكتبت كساب عبر حسابها الرسمي بموقع التواصل الاجتماعي “إنستجرام”: “الكام يوم اللي فاتو كانو أطول مده أقعدها لوحدي في حياتي وبأعترف شفت الحقيقه الكامله حقيقه نفسي حقيقه كل حاجه حواليه وعرفت قيمه كل حاجه وندمت علي كل لحظه ظلمت فيها نفسي أو ظلمت حد من اللي بأحبهم وبيحبوني”.
وتابعت: “اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه”.
وأردفت مي كساب: “أنا عدي عليه ١١ سنه صعبين جدا يمكن القريبين مني عارفين أنا إستحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثره جوابا كفتانه وكإنسانه ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين”.