تحدث الإعلامي أحمد يونس، عن تفاصيل حالته الصحية بعد تعرضه لحادث، وعلى آثارها كان هناك قطع في أوتار قدمه، مؤكداً أن حالته كانت حرجة وقت وصوله إلى المستشفى.
وكتب أحمد يونس منشورًا عبر حسابه الشخصي بموقع التواصل الاجتماعي فيس بوك، قال فيه: الحمد لله أنا أحسن كتير بدعواتكم ليا.. هي فترة بسيطة بإذن الله بس عشان أمشي كويس واتعافى.. لكن أنا الحمد لله أحسن كتير بفضل ربنا ودعواتكم الطيبة، التشخيص قطع في وتر اكيليس وجرح عميق 17 غرزة، قدر ولطف الحمد لله كتر ألف خيركم بجد لسؤالكم، وشكرًا لكل اللي اتعمل من أول ما دخلت الساعة 2 بالليل ليلة الحادثة كان دمي متصفي.
وأضاف: شكرا لكل المواقع المحترمة اللي اهتمت بالمتابعة والسؤال عني.. شكرًا ليكم أنتم هتفضلوا السند والضهر والأهل الطيبين.. شكرًا لجروب عيلة أحمد يونس اللي دايمًا سند كبير ليا.