قام مطرب المهرجانات الشعبي حسن شاكوش، بتوجيه رسالة شديدة اللهجة لـ منتقديه، مشيرًا أنه ليس لأي أحد فضل عليه في المجال الفني، لايف عبر حسابه الشخصي بموقع الفيديوهات تيك توك .
وقال حسن شاكوش: اللي هيطلع بعد كدة ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت.
وأضاف: أي حد هيطلع يجيب سيرتي في أي برنامج أنا مابعتمدتش حد في الشغلانة دي ومش معنى كدة أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف.
وتابع: أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك.
وكان قد تحدث مؤدي المهرجان حمو بيكا، عن حسن شاكوش مشيرًا أنه سبب شهرة شاكوش، وذلك خلال حواره في برنامج العرافة، حيث قال: أنا المدرسة اللي طلعت حسن شاكوش، هو مكنش عنده استوديو وهو بيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده.
وأضاف: حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل.