بعد تصريحات إبراهيم عيسى حول رحلة المعراج هاجم الكاتب عبد الرحيم كمال المنكرين لرحلة المعراج .
وقال كمال عبر منشور في صفحته الرسمية على موقع التواصل الاجتماعي فيس بوك ” الناس اللي بتستبعد رحلة المعراج، دول حقيقي مساكين فقراء الخيال ،وهتلاقى بعض المتشددين بيجتمعوا مع بعض قاصري الخيال في النقطة دي ،زيهم زي بعض كفار قريش وكافة الانطاع في كل زمان ومكان، المعراج ده كان في البدايات خالص .
وأضاف كمال المعراج كان بداية البداية في المعجزات ،بعد كده حضرة النبي صلى الله عليه وسلم تجاوز المرحلة دي بكتير ،وكان في حضور تام مع الله كشفا ورؤية وتلقي وكل شيء .
وتابع كمال دي كانت رحلة كده في البدايات للتدريب ع الوصل ،ثم كان الوصل الذي لا فصل بعده …بس هتقول لمين وهتكلم مين ، دي ناس مساكين ،حرموا من الخيال قبل ما يحرموا من الايمان ،وشواهد حرمانهم من الخيال في انفسهم وما يقدمون لا تحتاج الى دليل ،معجزة المعراج اسهل واوضح بكتير من ظاهرة انعدام خيالهم ..ربنا يعفو عنهم ويهدي ويفتح لهم الابواب التي سقطت في الظلمة مفاتيحها فصاروا هكذا .