رد المؤلف محمد الغيطي على الإنتقادات المنسوبة لمسلسله الجديد الذي يحمل عنوان «الضاحك الباكي»، الذي يتناول سيرة الفنان الراحل نجيب الريحاني، والعمل إخراج محمد فاضل.
وقال محمد الغيطي في تصريحات تلفزيونية له: «المخرج محمد فاضل ده تاريخ، ولما بروح دولة عربية بقول إحنا زعيمنا في الإخراج محمد فاضل وفي التمثيل زعيمنا عادل إمام، دع عمدة الإخراج، واحد داخل على 90 سنة، وواحد ييجي يتبول على السوشيال ميديا ويقول عليه كُهنة وحطوه في متحف؟.. محمد فاضل أحطه في متحف؟.. هموت العظام بتوعي وقوتي الناعمة».
وتابع:« في بلاد برة بيحترموا الكبير، وعلى رأي أحمد زويل إحنا بننجح إننا نفشل الناجح، في الغرب بينجحوا الفاشل، إحنا طلع روحنا في تحضيرات المسلسل سنتين وقعد عندي 10 سنين في الدرج و7 منتجين رفضوه، مش قادرين ينتجوه، وييجي شوية عيال على السوشيال ميديا يشككوا في الكتابة، ويقولوا بطرس غالي مات في حنطور ولا عربية؟ لا أنا مراجعه كويس، واعرفوا إنكم بتتكلموا مع أساتذة يعني تبلع ريقك وأنت بتتكلم، وحيد حامد وأسامة أنور عكاشة لو كانوا عايشين دلوقتي كانوا بطلوا واعتزلوا بسبب العيال اللي على السوشيال ميديا».
مسلسل الضاحك الباكي
ويشارك في بطولة مسلسل الضاحك الباكي عدد من النجوم، من أبرزهم الفنان عمرو عبد الجليل، ورزان مغربي، ومحمد سليمان، وفردوس عبد الحميد، ومصطفى شوقي، وهاجر الشرنوبي، ومحمد صلاح آدم، وأحمد السلكاوي، وعبد الله عبد الغني، وهاني شو، والعمل من تأليف محمد الغيطي، ومن إخراج محمد فاضل.