قرر عدد كبير من نجوم الفن إيقاف عملهم الفني كنوع من أنواع الدعم لـ أهالي غزة وفلسطين، وكان أخرهم الفنان محمد سلام الذي اعتذر من المشاركة في موسم الرياض هذا العام من خلال مسرحية زواج اصطناعي .
قام الإعلامي إبراهيم عيسى بمهاجمة بعض النجوم الذين قرروا إيقاف عملهم بسبب أوضاع غزة الحالية من قبل الكيان الصهيوني، من خلال برنامجه حديث القاهرة الذي يتم عرضه عبر شاشة القاهرة والناس، حيث قال: “موضوع المزايدات ده اللي عايز يوقف الحياة وفي ناس بتحتقر الفن والفنانين زي القنوات الإسلامية، وللأسف بعض الفنانين شايفين أن مهنتهم حقيرة وحرام وعندهم الصراع ده طول الوقت، وأن الفن مايتعملش في الأوقات اللي فيها أزمة وحرب”.
وأضاف إبراهيم عيسى: “ويزايد طول الوقت، طيب حتى لو أنت فنان يعني وبتحتقر الفن ده موضوعك ومشكلتك عندك صراع نفسي زي اللي بيبعوا خمرة في الفندق وعنده مشكلة نفسية أنه إزاي بيبع خمرة وهي حرام فـ دي مشكلته، بالظبط لأنه متصور أنه بيعمل حرام وعنده عقدة الذنب، لأن هذا العمل غير شريف ومهين وغير مهم، تهريج يعني وميصحش نهرج وفي حرب، إيه ده يعني بينتمي لفصيلة إيه ده، طبعًا بينتمي لتخلف ثقافي هائل في المجتمع بشدة لم يترك أحدًا إلا وأمرضه بمرض العوار العقلي”.