قام المطرب تامر عاشور بنفي كل ما تردد بشأن ارتباطه بممثلة بعد حضوره لعيد ميلادها، وذلك خلال حواره في برنامج حبر سري، الذي تقدمه الإعلامية أسما إبراهيم.
وقال تامر عاشور: أنا مش بحضر أعياد ميلاد، ومفيش أي علاقة عاطفية، ومعنديش قابلية أحضر أعياد ميلاد، وعمري ما ارتبطت بأي ممثلة، وأنا مش بحب أتواجد في أعياد الميلاد والأفراح، والشغل وأني أنجح بيخليني إنسان سعيد.
وفي ذات الحلقة، تحدث تامر عاشور عن حقيقة المشكلة التي حدثت بينه وبين اثنين من المطربين بسبب أغنية، حيث قال: حصل أن كان فيه اتنين مطربين بيتخانقوا على لحن أغنية أنا عامله، ومدتهاش لدا ولا لدا وغنيتها أنا، ومخسرتهمش ولا حصلت خناقة بعديها.
وعن تكرار انفصاله في حياته الشخصية، قال تامر: أنا بعتبر حياتي الشخصية خط أحمر، وطرح حاجة زي كدا للجمهور بيخلق كلام مش مفيد للفنان، وأنا مش هفضل أنفي كل كلام يتقال وأنا حياتي ظاهرة جدا للناس وهي حياة فنية بحتة من أول ما طلعت لغاية دلوقتي.. ودلوقتي أنا مرتبط.