نشرت هنا الزاهد عبر حسابها على Instagram، صورة جديدة لـ وداع عام 2020 على الرغم من صعوبته، قررت ان يكون وداعًا لطيفًا.
وكتبت معلقة: “أول مرة أكتب تعليق طويل بالشكل ده، بس حسيت أني لازم أكتب اللي جوايا حالا، سنة 2020 كانت رائعة بالنسبة لي، على الرغم من كونها سنة صعبة علينا كلنا، لكن أنا دايما ممتنة وراضية بغض النظر عن إيه بيحصل، في شغلي خطيت خطوات كبيرة ناحية أحلامي، ومش قادرة أستنى لحد ما تشوفوا مسلسلي الجديد اللي تعبت بجد فيه
و اكملت “من وجهة نظري العمل الجاد دايما بيؤتي ثماره، تعبت أوي في التصوير، ما كنتش بنام لأيام بس كنت مستمتعة بكل مشهد بعمله، مفيش حاجة تضمن حياة طويلة وصحية ومزدهرة أكتر من أنك تحاول باستمرار تعمل اللي أنت عايزه وتحقق أحلامك، سنة 2020 علمتنا قيمة الأسرة وعايزة أشكر كل أفراد عائلتي على إعطائي القدرة على إكمال أي شيء صعب، وإيمانهم بيا، ومنحي طاقة ومشاعر إيجابية
اختتمت: “2021… خلونا نقرر إن بداية السنة الجديدة دي نكون دايمًا في كتف بعض، ونساعد أخواتنا من البشر اللي محتاجيننا بغض النظر نعرفهم شخصيًا أو لا، وعلشان كده يلا ننشر شوية من البهجة واللطف، سنة جديدة سعيدة على الجميع.
https://www.instagram.com/p/CJeDXJDJ5Sb/?igshid=3uegauza1a53