كانت الفنانة بدرية طلبة ضيفة برنامج البختن الذي يتم عرضه عبر شاشة قناة الشمس، وتحدثت خلال الحلقة عن علاقتها بالفنان الراحل سمير غانم.
قالت بدرية طلبة عن الفنان الراحل سمير غانم: «هتكرم يوم الخميس في مهرجان في اسكندرية دورته الـ 13 باسم الفنان سمير غانم بحب سمير غانم جدًا، وعلاقتي بيه كانت كلها ضحك وهزار وعلمني ازاي ارمي الإفيه».
وتابعت: « كان راجل خير أوي وباب اوضته في المسرح مفتوح للناس كلها، الناس الحلوة صعب تشوفيهم كده وهما مش موجودين قدامك».
واستكملت: «اخر حاجة عملتها معاه كان مسلسل عزمي وأشجان جيت جنبه في مرة قولتله عايزني أعملك اكل ايه كان بيحب ياكل أكل معين من ايدي أكل بلدي زي الكوارع ولحمة الراس والممبار».
واختممت بدريةطلبة كلامها عنه بالدعاء له : «كنت بقوله يا برنس وكان راجل حبوب وطيب وحنين ومعطاء وعاشرته في السفر، ربنا يرحمه ويرحمنا جميعًا، وكنت في سرحان وتوهان لما استقبلت خبر وفاته كان صدمة بالنسبة ليا».