كشفت النجمة بدرية طلبة عن تفاصيل بداية عملها في الوسط الفني، وتعاونها مع نجوم مثل سمير غانم والزعيم عادل إمام وسعيد صالح، والفنان يونس شلبي، وعدد من قامات الفن المصري.
وخلال لقاء تليفزيوني، قالت بدرية طلبة: «اشتغلت مع عمالقة، زي سمير غانم ومحمد نجم وسعيد صالح ويونس شلبي، ربنا يرحمهم، واتعلمت من كل واحد شوية، زي ما بتدخل جنينة وبتاخد وردة من كل نوع، وتعمل في النهاية بوكيه حلو، وكل واحد له مدرسة».
وتابعت بدرية طلبة حديثها عن الفنان سمير غانم، قائلة: «لما يطلع على المسرح بتروح معاه في حتت كتير، حد جميل وبيلعب ويرجع فاهم بيعمل إيه ويمتع الناس إزاي».
بدرية طلبة تتحدث عن تفاصيل تعاونها مع الفنانين
كما تحدثت بدرية طلبة عن الاندماج السريع الذي يحدث بينها وبين نجوم الفن، ويتم هذا من حب الفنان لها، حيث قالت: «راجع للنجم روحه حلوة ولا لأ، وكميتنا حلوة ولا لأ، لو حاببني ووصلي الإحساس ده هقدم أحلى ما عندي، لأن أنا زي الطفلة في شغلي وفي حياتي اللي يطبطب عليا ويقول لي كلمة حلوة بياخد روحي كلها»..
وعن زعيم الفن المصري، قالت بدرية طلبة: «حقه يرتاح وحق ولاده يحافظوا عليه، وبحترمهم جدًا لأن هما محافظين عليه في الوقت اللي لازم الناس ما تشوفهوش فيه، لأن إحنا وقفنا عند الأستاذ والزعيم، لازم يفضل في نظرنا في الصورة دي».
ووجهت حديثها عن النجم محمد إمام قائلة: كل اللي أقدر أقوله إنه متربي والتربية بتشمل كل حاجة في حياته.