نفى الإعلامي أحمد يونس كل ما تم نشره في الساعات الأخيرة حول وفاته، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب أحمد يونس: مش معقول هوس الريتش يوصلنا للمرحلة دي.. أنا والله ما فارق عندي واللي مكتوب لي هشوفه والموت حق.. بس لما اصحى الاقي الناس عمالة تبعت لي.. أنا مش بعرف أرد على التليفون طول الوقت.
وتابع: وفي ناس هتاخد العنوان المزيف وتنقله.. وفي ناس بيدوروا ع الأخبار على جوجل.. لما ينط ده في وشهم مش هيقروا اللي جوا لأن العنوان قايم بالواجب.. وللأسف مش أول مرة تتعمل.. للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.
الحالة الصحية لـ أحمد يونس
وكان طمأن أحمد يونس جمهوره والمتابعين على حالته الصحية، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب أحمد يونس، قائلًا: الحمد لله أنا أحسن كتير بدعواتكم ليا، هي فترة بسيطة بإذن الله بس عشان امشي كويس واتعافى، لكن أنا الحمد لله أحسن كتير بفضل ربنا ودعواتكم الطيبة، التشخيص قطع في وتر اكيليس وجرح عميق 17 غرزة، قدر ولطف الحمد لله، كتر ألف خيركم بجد لسؤالكم.
وأضاف: وشكرا لمستشفى السلام بالمهندسين، وكل العاملين بها.. لكل اللي اتعمل من أول ما دخلت الساعه ٢ بالليل ليلة الحادثه دمي متصفي لحد حالا.. شكرا لكل المواقع المحترمة اللي اهتمت بالمتابعة، والسؤال عني، شكرا ليكم انتم، هتفضلوا السند والضهر والأهل الطيبين.