شهر يونيو بدأ ومعاه بتبدأ الاجازات لمدة حوالي ثلاث شهور فاذا حضراتكم هاتقضوا مع الاولاد اجازة الصيف علي شواطئ مصر الجميلة احب افكركم بشنطة المصيف الصغيرة تجهزوها وتاخدوها في ايديكم اثناء الجلوس علي شاطئ البحر … الشنطة فيها ١- زجاجة صغيرة بها محلول مطهر زي البيتادين علشان لو فرد من الاسرة اتعرض لجرح ولو بسيط نطهره مباشرة ونمنع تلوث الجرح ٢- كريم واقي من الشمس للحماية من اشعة الشمس المؤلمه وندهن بيه اي اماكن من الجسم معرضة للشمس.
ويجدد كل ساعتين ٣- كريم حروق زي ميبو علشان لو لاقدر الله حد اتعرض لحرق الشمس او اي لسعة شديدة او اي التهاب نستعمله فورا لعلاج المشكلة ٤- علي سبيل الاحتياط زجاجة صغيرة بها خل علشان لو بالصدفة كان في قنديل البحر وتعرضنا للسعته فورا نغسل مكان اللسعة بماء البحر نفسه ثم ندهنه مباشرة بالخل فيحدث تعادل ونحمي انفسنا من اثار اللسعة المؤلمة …اجازة سعيدة وكل عام وحضراتكم بصحة وسعادة وخير باذن الله