علق الأستاذ الناقد الرياضي حسن المستكاوي، على الأحداث التي وقعت بالأمس في مباراة الأهلي والزمالك في دوري جمهورية مواليد 99.
وقال المستكاوي: “بقول للمسئولين مافيش حاجه إسمها أنا متطوع، يا إما تشتغل يا إما بلاش، لازم تبقى مدرك بأن الكرة أصبحت صناعة ولازم تخطط لهذا الأمر وتضعه في الحسبان”.
وأضاف: ” ايه الاختراع الصعب في إنك تحط لوائح وقواعد تفصل بين الأندية، ومافيش فرق بين مسابقات الناشئين والدوري الممتاز”.
وأكمل: ” انا بعتبر أن الاتحاد الافريقي فاشل في نظامه، ولكن بالرغم من كده حاطط 9 بنود في اللائحة الخاصة بدوري المجموعات، والبنود دي بتشمل كل الاحتمالات الواردة اللي بتفصل بين الأندية في الصعود”.
وأردف: ” غير مقبول أن نرى مشهد احتفال الأهلي والزمالك في نفس المباراة، لو القانون موجود وبيطبق بشكل فيه من العدل والمساواة، محدش هايتكلم ومكناش هنشوف الممنظر المؤسف دا”.
واستطرد: ” اللي حصل دا نتيجة أخطاء متراكمة ومن زمان، لكن السوشيال ميديا أظهرت الموضوع بشكل كبير، وهناك عدم تحمل مسئولية من المسئولين الموجودين”.
وختم الناقد الرياضي الكبير: ” الحل إن يكون عندك قانون قوي ويتم تطبيقه على أي شخص في أي نادي، يعني القرار اللي هيتطبق على لاعب الأهلي لازم يكون زي لاعب الزمالك، ويكون نفس القرار على أي لاعب من أي نادي أخر، ومافيش فرق بين الألوان”.
اقرأ أيضا: