كشف المخرج أحمد نادر جلال عن صعوبة تصوير فليم السرب، مشيدا باجتهاد فريق العمل.
وقال جلال، خلال مداخلة هاتفية مع الإعلامية لميس الحديدي ببرنامج “كلمة أخيرة” الذي يعرضعبر قناة “اون تي في”: “عملت اللي ربنا قدرني عليه”، فقاطعته لميس قائلة: “الموضوع صعب والشوت ممكن يتعاد 500 مرة”.
ورد المخرج قائلاً: “احنا الحمدلله بذلنا مجهود كبير جدا، وكل واحد طلع كل اللي عنده ومكنش في حد مقصر، وهما حابين الموضوع وحاسين انهم بيعملوا حاجة مهمة للأجيال اللي جاية، إحنا بنوثق حاجة تاريخية مهمة في تاريخ مصر الحديث”.
شريف منير عن فيلم السرب: «هنوريكو جزء من القصاص اللي سمعتوا عنه» (فيديو)
وأضاف قائلاً: “تصوير الفيلم كله صعب بس الجزء اللي كان في تحدي وكان جديد بالنسبالي اللي هو ازاي هنصور الطيارات بشكل سينمائي مش بشكل وثائقي واحنا بنتكلم بلغة القلب مش لغة العقل يعني كل زاوية كاميرا بتوصل احساس معين”.
واختتم حديثه: “الفيلم ده تحدي ومسؤلية وان شاء الله هنطلع قد المسؤلية، وكل حاجة كانت متوفرة بأكمل وجه وربنا يقدرنا ونبقى قدها وننجح بعمل”.
فيلم السرب يتناول الضربة الجوية المصرية على مواقع لتنظيم داعش في ليبيا، ثأرا لمقتل المصريين هناك، وذلك في فبراير 2015.
العمل إنتاج “سينرجي”، وتأليف عمر عبد الحليم وإخراج أحمد نادر جلال، ويشارك فيه كل من أحمد السقا وهند صبري، ومنى زكى، ودياب، وكريم فهمي، وآسر ياسين، وشريف منير، ومحمود عبد المغني.