كتب عدد من الفنانين رسائل دعم لطلاب الثانوية العامة، للتخفيف عنهم التوتر، والظروف الصعبة التي يمتحنون فيها.وبدأت الرسائل الداعمة للطلبة حيث قام أحمد حلمي بنشرعلي ” انستجرام ” أمس فيديو دعم بطريقة كوميدية عبر حسابه على إنستجرام، قائلا: “بما أننا هنتكلم عن الثانوية العامة، فمفيش حد أحسن مني يتكلم عنها لإني كنت خبرة، وسقطت فيها 3 سنين، أنا كنت بسقط لأني كنت ببقى خايف من الامتحان، السنة الوحيدة اللي مكنتش خايف من الامتحان سقطت بردو، السنة الوحيدة اللي مسقطتش فيها هى اللي مكنتش خايف فيها من الامتحان بجد”.
وكما شارك أيضا النجم صلاح عبد الله متابعيه، عبر حسابه على تويتر مقطع فيديو من فيلم الثلاثة يشتغلونها لياسمين عبد العزيز، وكتب قائلا:” ركزوا في القُبة وربنا معاكم ياولادي”.
#حبة_فرفشة مع ابويا صلاح @SalahAbdallah
امنية كل اب لابنة او بنتة بعد ما ياخد الثانوية العامة😍😍 #ركزى_فى_القبة🤣🤣 pic.twitter.com/mukUIdXrtt— احمد سعيد (@12ahmedsaid) June 20, 2020
ونشرأيضا الفنان سامح حسين عبر حسابه على إنستجرام، مشهدا من مسلسل”اللص والكتاب” وعلق “كل أمنياتى لإخواتي طلبة الثانوية بالنجاح والتوفيق ياااااارب .. وماتعملوش زى شيكو مدريد”.
وتوجه الفنان هاني رمزي، برسائل دعم لطلاب الثانوية العامة، قائلا:” “ربنا مع كل طلبه الثانوية العامة وإن شاء الله الامتحانات تعدى على خير والكل ينجح”.
ونشر الفنان أحمد زاهر، فيديو عبر حسابه على إنستجرام، قائلا: “أبنائي فلذات أكبادي طلبة وطالبات الثانوية العامة، مبدئيا ربنا معاكم وهيعينكم بإذن الله، مساطركم وأقلامكم ومذاكرتكم وكمامتكم وكحولكم، متفكروش في كورونا خالص، عقلكم في راسكم”.
وأضاف زاهر: “ركزوا وإن شاء الله ربنا الحارس، من توكل على الله فهو حسبه، إن شاء الله هتنجحوا، إن شاء الله محدش هيتصاب، خلوا بالكم محدش يقلع الكمامات، مصر كلها بتدعيلكم”.