تحدث الكابتن “محمد الشناوي” حارس مرمى النادي الأهلي، من خلال استضافته في برنامج “الحكاية” المُذاع على قناة mbc مصر، عن فوز القلعة الحمراء ب 3 بطولات هذا الموسم.
وأضاف: “وعدنا جمهورنا إننا هناخد أفريقيا السنة دي، وإحنا لما بنوعد لازم نوفي لأنهم بيساندونا كتير”.
وتابع: “أدائنا بيفرق بنسبة 70% في وجود الجماهير في الملعب، لما في موسم الزمالك متقدم علينا في الدوري بفارق 14 نقطة، الجمهور قالنا الدوري يا أهلي ووعدناهم وأوفينا بالوعد”.
وأكمل: “قولنا لبعض في معسكر الفريق لمباراة القمة الأفريقية، مينفعش نخسر ل3 أسباب؛ الأول: مينفعش مؤمن زكريا يرفع الكأس لحد تاني، الثاني: مينفعش نخسر من الزمالك لأنه عمره ما كسبنا في دوري الأبطال، الثالث: لازم نكسبهم عشان مش هنقابلهم تاني في نهائي أفريقيا”.
وقال: “هدف شيكابالا فيا في مباراة نهائي أفريقيا، أكثر من رائع ومن الأهداف اللي حبيتها أوي وعجبتني، ومكنتش متوقع هيلعبها فين”.