تحدث الكابتن “محمد الشناوي” حارس مرمى النادي الأهلي، من خلال استضافته في برنامج “الحكاية” المُذاع على قناة mbc مصر، عن فوز القلعة الحمراء ب 3 بطولات هذا الموسم.
وقال “الشناوي”: “فوز النادي الأهلي بالبطولات دي مش حاجة غريبة علينا، واتربينا عليها من صغرنا”.
وأضاف: “حصولنا على المركز الثاني بالنسبة لنا خسارة، حتى التعادل بالنسبة لنا هزيمة في حد ذاتها، وأي ماتش نخوضه في البطولات بيبقى بطولة عشان نكسبه”.
وتابع: “الدقيقة 90 كل الفريق بتاع الأهلي بيبقى عنده إصرار على الفوز، عشان كدا بنجيب اهداف كتير من بعد الدقيقة 90، وكلنا بنبقى على قلب رجل واحد”.
وأكمل: “جبت لاعبي الأهلي في مباراة القمة الافريقية في الدقيقة 75 عند توقف المباراة، وقولتلهم اللي هيجيب جول دلوقتي هيكسب وحفزتهم، وبالفعل أفشة جاب الجول وكسبنا”.