أكد الفنان والبطل الرياضي الشحات مبروك، على أنه ندمان على أفلام كثيرة شارك بها استهلكت طاقته ورغبته في التمثيل.
وقال “مبروك” خلال حواره مع الإعلامية ياسمين عز ببرنامج “كلام الناس”: “أنا ليا تقريبا 21 فيلم الحلو فيهم 3 أو 4 بالكتير، أولهم المرشد وبعدين لهيب الانتقام والشجعان وأمريكا شيكا بيكا”.
وأضاف: “اتخدت في سكة انا ماليش فيها ذنب، انا حد رياضي بطل كمال اجسام، دخلت السينما من اوسع ابوابها بفيلم المرشد وكنت طالع باسمي الحقيقي”.
وأردف: “اضحك عليا من نفسي، وروحت لافلام مش راضي عنها وقليلة التكلفة جدا، وصناع الفيلم اقل في الجودة، فكنت بطلع شكلي عبيط، وانا فرحان اني بمثل”.
واستطرد: “لو كنت فاهم وقتها كنت هبطل تمثيل احسن، انا اللي استغليت نفسي وضريتها، زي المستريح بالظبط، محدش يجي يقول انه نصب عليا، لأ انت اللي نصبت على نفسك لانه وعدك بحاجة خيالية مش موجودة”.
واختتم: “انا كمان عارف واشتغلت في افلام كنت بروح اصور كل المشاهد في اسبوع أو 8 أيام، كنت ممكن امثل افلام ومتتعرضش بس امثل.