أثارت كلمات أب نعى فيها طفلته الرضيعة التي تبلغ من العمر عامين، وتوفيت إثر سقوطها من شرفة المنزل بمنطقة منشية البكري بمدينة المحلة الكبرى بمحافظة الغربية، تعاطف رواد التواصل الاجتماعي.
ونعى الأب المكلوم ابنته قائلا: بنفوس راضية بقضاء الله وبقلوب مليئة بالألم والحزن أنعى بنتي وحبيبتي وروح قلبي ونور عيني ربنا يرحمها.
وأضاف والد الطفلة المتوفية قائلا: هتوحشيني يا آيلا هتوحشيني يا روح بابا، البيت من غيرك مفيهوش روح يا بنتي، كنتي جميلة وروحك حلوة ومفيش حد شافك إلا وحبك واتعلق بيكي دونا عن كل الولاد الصغيرين، كان فيكي حنية الدنيا يا حبيبتي والله، يارب صبرنا على فراقها وسامحنا لو ضعفنا أو إيمانا قل في أي لحظة، بس الفراق صعب أوي، ودي مش أي حد دي روحنا والله.
واختتم الأب نعيه على صفحته بموقع التواصل الاجتماعي فيس بوك قائلا: وصيت جدو عليكي وانتي جنبه ف القبر ياخدك في حضنه عشان ماتبقيش لوحدك يا قلبي وإن شاء الله كلنا نتجمع سوا في الجنة يا حبيبتي وهتكوني انتي السبب وأننا صبرنا ورضينا بقضاء الله وواثقين في عوضه ف الدنيا والآخرة، ماتتعزيش على اللي خلقك يا بنتي.