كتب : أسماء أبوبكر
ابدت الاعلامية وخبيرة التجميل أسما شريف منير اعتذارها عما بدر منها على صفحتها على الفيس بوك بإنتقادها لبعض المشايخ والأئمة الكبار ومن ضمنهم فضيلة الشيخ محمد متولي الشعراوي ، واصفة فضيلته بالمتطرف.
وقالت ابنة الفنان شريف منير في اعتذارها انا بتكلم من غير ما بحسب كلامي وانا لم اقصد اني اغلط او يوصل كلامي بشكل غلط كدا.. انا لا أقيم فضيلة الإمام وعمري ما بغلط في حد.
واعتذرت أسما شريف منير قائلة : انا لم احسن التعبير ولم اختار الكلمات الصحيحة، مبررة ذلك بانها لسه بتتعلم وأنها بتتعامل على طبيعتها، زي أول يوم ظهرت فيه على السوشيال ميديا.. دلوقتي لازم اخد بالي من اَي كلمة بقولها لان كل حاجة بتتحسب علي ودا جديد علي.
طلبت الإعلامية وخبيرة التجميل أسما شريف منير ، من متابعيها ترشيح لها بعض أسماء الشيوخ المعتدلين الوسطين الذين يقدمون المحتوى الدينى .
وكتبت أسما عبر حسابها الرسمي بموقع التواصل الاجتماعي صباح الخير عايزه اخد رأيكم في حاجة، بقالي كتير مش عندي ثقة في أغلب الشيوخ، كتير منهم مدعين ويا متشددين أوي يا خلطين الدين بالسياسة، نفسي اسمع حد معتدل محترم معلوماته مش مغلوطة، لسه في حد كده؟”.
ونصحتها أحد المتابعين بسماع وبمتابعة دروس الشيخ الراحل محمد متولي الشعراوي وتفسيره للقرآن، لترد كاتبة: “طول عمري كنت بسمعه زمان مع جدي الله يرحمه ومكنتش فاهمه كل حاجه، لما كبرت شفت كام ڤيديو مصدقتش نفسي من كتر التطرف، كلام فعلاً عقلي ما عرفتش استوعبه.. حقيقي استغربت”
هذا التعليق لم يمر مرور الكرام، ولاقت أسما هجوم كبير من قبل متابعيها، مدافعين عن الشيخ الشعراوي لما يتمتع به من واسطية واعتدال وأسلوبه المبسط في الشرح وتفسير القرآن، وجاءت بعض التعليقات: “الشعراوي دة أكتر شيخ سهل في الشرح وتفسيره مقنع جدا، الشعراوي أكتر شيخ معتدل وسهل علي ناس كتير فهم معاني القرآن وعمره ماكان متطرف حتي الفتوي بتاعته سهلة جدا ولازم يشرح ويبسط الرد علي أي سؤال”، “أنا كرهتك والله خسارة فيكي الرد أزاي تتكلمي عن الشعراوي كدة”.
وانتقدت أسما شريف منير، المحتوي الديني الذي يقدمه أغلب الشيوخ، لما يتضمنه من تطرف فكري حسب وصفها.