عبر الفنان تامر حسني على صفحته على Facebook, عن استيائه من تصرفات بعض الشباب خلال مواجهة أزمة فيروس كورونا, وحكى تامر موقفا حدث أمامه، ولم يستطع أن يجعله يمر, قائلا: “أنا شوفت موقف قدامي صدمني مش قادر محكيهوش، شوفت واحد بيقول لصاحبه:(ياد شيل الماسك ياد واسترجل)… طب هو عشان في وجهة نظر حضرتك يسترجل فيكون سبب في موته وموتك وضرر كل من حوله معقول كل دول العالم المتطوره مؤمنه بالوقايه دي وإحنا بقى اللي عندنا الفهلوه والمفهومية كلها اللي بيتريقوا على الوقاية دي”
تابع، “أكيد مسكتلوش وفهمته على قد ما أقدر وفهمته يا سيدي لو حتى أنت من الناس اللي بتقول دا وهم مش هتخسر حاجة لما تاخد كوكب الأرض بالكامل على قد عقله وتحافظ على نفسك الكام يوم دول بس المشكلة إن في منه كتير بيفكروا زيه”.
وأكمل، “عشان كدا كلنا لازم نتكلم كتير مع كل الناس ولو النزول للضرورة القصوى عشان طبيعة شغل الناس اللي باليومية فنلتزم بكامل تعليمات الوقاية، أرجوكم اتكلموا كتير مع الناس عشان نوعي أي حد مش حاسس بالخطورة لازم نلتزم ونقعد في البيت 14 يوم يا ناس عشان نسيطر على انتشاره وميتحولش لوباء الصين انتصروا على الوباء لما التزموا ومنزلوش الشوارع نهائي، ولو في ناس شغالة بيوميات لازم توصلهم يومياتهم لحد عندهم من باب الرحمة عشان ربنا يرحمنا وأنا بدأت بنفسي وعملت كدا وأكتر من كدا”.