كشفت المخرجة إيناس الدغيدي عن تفاصيل عديدة حول حياتها الشخصية، مؤكدة إنها تعيش قصة حب من طرف واحد، مشارة أنها لم تخبر الطرف الآخر بهذا الحب لأنه متزوج ولا تحب خراب البيوت.
وقالت إيناس الدغيدي خلال استضافتها في برنامج أسرار الذي تقدمه الإعلامية أميرة بدر، والمذاع على فضائية النهار: «برجي برج الحوت بتاع الحب، لكن حبي دلوقتي مختلف، ممكن أحب حد مبشوفهوش، في حد بحبه بس هو مش عارف، وشايفة إن ده الراجل اللي بتمناه، مش هقوله ولا أبين له، بحب شخصيته وقوته مش شكه بحب الراجل اللي عنده باور فلوس وسلطة، ومش ممكن أقوله».
إيناس الدغيدي: لا يمكن أبقى زوجة ثانية لكن ممكن أبقى حبيبة
مستكملة الدغيدي حديثها: «كبريائي بيخسرني، بشوفه بس ميعرفش إني معجبه بيه، ومش معايا رقم تليفونه حتى، بيعجبني كل حاجة فيه بس متجوز ومبجيش ناحية المتجوزين».
مختتمة: «زوجي لما حبني كان متجوز، ولا يمكن أبقى زوجة ثانية، لكن ممكن أبقى حبيبة، تفرق كتير، لأن الحب أوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية أشوفه مرتين في الأسبوع، لكن لو ساب وجه هتجوزه بس مش هقوله أعمل كده، مش هحب بدون إرادة، إنما لو مخططة وراسمة ده مش حب».