تحدث الفنان هشام ماجد عن فيلمه الجديد، وتشاركه البطولة النسائية الفنانة هنا الزاهد، كما تطرق في الحديث حول الفنانة أسماء جلال.
وقال: «إحنا في الفيلم بنقدم أدوار شخصيتين في عالم موازي، والفيلم ملوش علاقة بباربي بس فعلا هنا الزاهد شبه باربي، عشان كده الناس ربطت بين العملين، والناس لما تشوف هتفهم قصة الفيلم.»
مضافاً: «هنا شاطرة جدًا ودؤوبة في شغلها، وأنا بحب أشتغل مع الناس دي، وبتضحك جدا بس مش أكتر من الرجالة، الرجالة كوميدية أكتر».
هشام ماجد: المهندسين فاكرين نفسهم عباقرة وبعضهم أغبياء.. واكره الأعمال اللي بتخدم على النجم
وكان الفنان هشام ماجد قد تحدث عن أسرار في حياته الشخصية، وقال: «من صغري نفسي أبقى مشهور، كنت بتفرج على اللاعيبة والممثلين وأقول نفسي أبقى مؤثر أوي، ودخلت كلية هندسة لأني اكتشفت حبي للتمثيل متأخر، وأهلي كانوا عاوزني أكون مهندس، واشتغلت فترة كبيرة شغلانة كويسة، ولما جيت أمثل ما كنتش محتاج التمثيل ماديا، لكن كنت محتاج أحقق حاجة بحبها».
هشام ماجد: دخلت الهندسة بسبب أهلي.. والمهندسين شايفين نفسهم فوق الناس
وتابع هشام: “والمهندس بيبقى فاكر نفسه يا عيني عبقري، وشايف نفسه فوق الناس، على الرغم إن فيه مهندسين تعبانين جدًا، وفيه مهندسين أعرفهم أغبياء جدًا، والمهندس بيعرفك إزاي ترتب أفكارك وتفكر بطريقة معينة.
ويذكر أن، أبدى رأيه في الأعمال الفية الحالية معلقًا:” بكره الأعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم”.